1 Corinthians 14

Isipho sokuprofetha sidlula esokukhuluma ngendimi

1Landelani uthando ^a; lifise ^b kakhulu izipho zomoya ^c, kodwa ikakhulu ukuthi liprofethe ^d. 2Ngoba okhuluma ngendimi ^e kakhulumi ebantwini, kodwa kuNkulunkulu; ngoba kakho ozwayo ^f, kanti ukhuluma izimfihlo ngomoya. 3Kodwa oprofethayo ^g ukhuluma ebantwini ukwakha ^h lenkuthazo ⁱ lenduduzo. 4Okhuluma ngendimi uyazakha yena, kodwa oprofethayo ^j wakha ibandla ^k. 5Njalo ngiyathanda ukuthi lonke likhulume ngendimi ^l, kodwa ^m kakhulu ukuthi liprofethe ⁿ; ngoba oprofethayo mkhulu kulokhuluma ngendimi, ngaphandle kokuthi atolike ^o, ukuze ibandla lemukele ukwakhiwa.

6Khathesi-ke, bazalwane, uba ngifika kini ngikhuluma ngendimi, ngizalisiza ngani, nxa ngingakhulumi kini kumbe ekwembulelweni ^p, loba ekwazini ^q, loba kusiprofetho ^r, kumbe emfundisweni ^s? 7Ngokunjalo izinto ezingelampilo ezikhalayo, loba umhlanga, loba ichacho, uba zinganiki umehluko ngokukhala ^t, kuzakwaziwa njani okuvuthelwayo ngomhlanga kumbe okutshaywayo ngomqangala? 8Ngoba-ke nxa uphondo lunika ^u ukukhala okungaqondakaliyo, ngubani ozazilungisela impi ^v? 9Kunjalo lani, uba linganiki inkulumo ecacileyo ngolimi, kuzakwaziwa njani okukhulunywayo? Ngoba lizakuba likhuluma emoyeni ^w. 10Kukhona, nxa kungenzakala ^x, imihlobo eminengi kangaka yemisindo ^{y , z} emhlabeni kodwa kawukho ongatsho lutho; 11ngakho uba ngingawazi umqondo welizwi, ngizakuba ngowezizweni ^aa kulowo okhulumayo, lalowo okhulumayo uzakuba ngowezizweni kimi. 12Kunjalo lani, lokhu litshisekela izipho zomoya, dingani ukuthi livame ekwakhiweni ^ab kwebandla.

13Ngakho-ke okhulumayo ngendimi ^ac kakhuleke ukuthi atolike ^ad. 14Ngoba uba ngikhuleka ngendimi, umoya wami uyakhuleka, kodwa ingqondo yami kayilasithelo. 15Ngakho kuyini? Ngizakhuleka ngomoya, njalo ngizakhuleka langengqondo; ngizahlabelela indumiso ^ae ngomoya, njalo ngizahlabelela indumiso langengqondo ^af. 16Uba kungenjalo, nxa ubonga ngomoya ^ag, lowo ogcwalisa indawo yongafundanga ^ah uzamutsho njani uAmeni ^ai ekubongeni kwakho ^aj, lokhu engakwazi okutshoyo? 17Ngoba isibili wena ubonga kuhle ^ak, kodwa omunye kakhiwa. 18Ngiyambonga uNkulunkulu wami ukuthi ngikhuluma ngendimi ^al kakhulu kulani lonke; 19kodwa ebandleni ngithanda ukukhuluma amazwi amahlanu ngengqondo yami, ukuze ngifundise labanye ^am, kulamazwi ayizinkulungwane ezilitshumi ngendimi.

20Bazalwane, lingabi ngabantwana engqondweni ^an; kodwa ebubini banini zingane ^ao, lekunakaneni libe ngabakhulileyo. 21Emlayweni ^ap kulotshiwe ukuthi: Ngezinye indimi ^aq langezinye indebe ngizakhuluma lalesisizwe, langokunjalo labo kabayikungizwa, itsho iNkosi. 22Ngakho indimi zingezesibonakaliso, kungeyisikho kwabakholwayo, kodwa kwabangakholwayo; kanti isiprofetho ^ar, kungayisiso sabangakholwayo, kodwa sabakholwayo. 23Ngakho uba ibandla lonke libuthene ndawonye, labo bonke bakhulume ngendimi, besekungena abangafundanga ^as loba abangakholwayo, kabazukuthi liyahlanya yini ^at? 24Kodwa uba bonke beprofetha ^au, njalo kungene othile ongakholwayo loba ongafundanga ^av, uyakhuzwa ^aw yibo bonke, ahlolwe yibo bonke, 25langokunjalo izinto ezifihliweyo zenhliziyo yakhe ziyadalulwa; ngokunjalo uzakuwa ngobuso ^ax akhonze uNkulunkulu ^ay, ebika ukuthi uNkulunkulu ngoqotho uphakathi kwenu ^az.

Indlela yokukhonza kwebandla

26Ngakho kuyini, bazalwane? Loba nini libuthana, ngulowo lalowo wenu elesihlabelelo ^ba, elemfundiso ^bb, elolimi ^bc, elesambulelo ^bd, elokutolika ^be. Konke kakwenzelwe ekwakheni ^bf. 27Uba umuntu ekhuluma ngendimi ^bg, kakube ngababili, kumbe bangadluli kwabathathu, njalo badedelane, lomunye katolike; 28kodwa uba kungekho umtoliki, kumele athule ebandleni; akhulume kuye ngokwakhe lakuNkulunkulu. 29Abaprofethi-ke ^bh ababili loba abathathu kabakhulume, labanye kabahlolisise ^bi. 30Kodwa uba kusembulwa komunye ohleziyo, kathule owokuqala ^bj. 31Ngoba lonke lingaprofetha ^bk munye ngamunye, ukuze bonke bafunde, njalo bonke bakhuthazwe ^bl; 32lemimoya yabaprofethi ^bm iyathotshiselwa abaprofethi. 33Ngoba uNkulunkulu kayisuye owesiphithiphithi, kodwa ngowokuthula, njengemabandleni ^bn wonke abangcwele. 34Abesifazana ^bo benu kabathule emabandleni; ngoba kabavunyelwa ^bp ukukhuluma, kodwa ukuzithoba ^bq, njengoba lawo umlayo ^br usitsho. 35Uba-ke bethanda ukufunda ulutho, kababuze kubomkabo ekhaya; ngoba kulihlazo kowesifazana ukukhuluma ebandleni. 36Kumbe ilizwi likaNkulunkulu laphuma kini? Kumbe lafika kini lodwa yini?

37Uba umuntu ecabanga ^bs ukuthi ungumprofethi loba ungowomoya, umele ukwemukela ^bt izinto engilibhalela zona, ukuthi ziyimilayo yeNkosi; 38uba umuntu engazi, kumele engazi. 39Ngakho, bazalwane, tshisekelani ^bu ukuprofetha ^bv, njalo lingakuvimbeli ukukhuluma ngendimi ^bw; 40konke ^bx kakwenziwe ngemfanelo langokulandelana ^by.